Hazrat Abu-Huraira sey riwayat hai kay Hazrat Muhammad(P.B.U.H) nay farmaya kay aurat ki 4 cheezain dekh kar isssey nikah kara jata hai.
-
Maal
-
Hasb Nasb (Khandan Ki Wajah Sey)
-
Husun
-
Deen
Pas aey mukhatib tu deen dar aurat ko apney nikah mein ley kar kamiyab hoja tera bhala ho. (Bukhari, Muslim)
Hazrat Muhammad(P.B.U.H) yeh irshad bhi hai kay kanwari aur ziyada bachey jannay wali aurat sey shadi kari jaey. Chunancha Hazrat Jabir sey marvi hai kay Allah kay rasool Hazrat Muhammad(P.B.U.H) nay muhjh sey pucha kay aik Jabir! tumnay shadi karli? Mein nay arz kara jee han! Hazrat Muhammad(P.B.U.H) dariyaft farmaya kay kisi kanwari larki sey kari ya bevah sey? mein ney arz kara, bevah sey kari hai. Hazrat Muhammad(P.B.U.H) nay farmaya kay kisi kanwari sey kyun naa shadi ki kay woh tum sey khailti aur tum ussey khailtey. (Bukhari)
Aik aur hadees hai "khoob mohabbat karney wali aur ziyada bachey jannay wali aurat sey nikah karo kyun kay mein tumhari kasrat ki wajah sey roz-e-qayamat doosri ummaton per fakhar karonga." (Masnad Ahmed, Bahqi)
|
