Khushgawar Azdawaji Zindagi - Jinsi Masail Aur Hal

    Ek mard ko ma'amooli mechanic aur ek aurat ko acha cook ban'ney kay liye ka'ee maah ki tarbiyat aur ta'aleem darkaar hogi isi tarah ek mard ko acha khawand aur aurat ko achi biwi ban'ney kay liye ta'aleem o tarbiyat ki zaroorat hai. Magar humarey haan iss tarah ki ta'aleem o tarbiyat (sex education) ki na koi sahoolat mojood hai aur na hi iss ki zaroorat samjhi jati hai. Isi tarah urdu mein sex education kay mozou per aisi koi kitab mojood nahin jo iss hawaley sey hama geer ho jo na sirf azdwajii zindagi ko khushgawar banaey bul kay tamam jinsi masail kay hal bhi bataey. Iss tarah ki ta'aleem (sex education) ki adum mojoodgi azdwajii zindagi mein zeher ghol rahi hai aur ma'amooli masail ki wajah sey khaandaan bikhar rahey hain isi zaroorat kay paesh e nazar hum ney Lahore aur Lahore sey baher "Shadi Ki Bharpoor Khushi _ Masail aur Hal" kay unwaan sey mardon kay liye seminar ka ek silsila shuru kiya hai. (inshaAllah isi saal yeh kitab ki soorat mein market mein aa jaey gi) jis mein azdwajii zindagi kay tamam mumkina pehlo'oun ka ahata kiya jata hai aur shurka'a ko har tarah ki zaroori ma'aloomaat faraham ki jati hain, jis sey azdwajii khushyion ko zyada khushgawar banaya ja sakta hai. (yeh seminar Lahore mein har maah muna'aqqid hota hai) Seminar kay iss silsilay ne logon ki zindigiyon mein khushgawar tabdeeli paeda ki hai.

    Iss seminar mein mardon kay elawa khawateen bhi shirkat kay liye aati hain magar hum unhein shirkat ki ijazat deney sey ma'azrat kartey rahey jis ki wajah sey woh iss seminar kay fawa'ed sey mehroom rehti hain.

    Agarcha hum phone per aur clinic mein unhein azdwajii zindagi kay hawaley sey zaroori rahnumaee faraham karte hain, kuch ahl-e-ilm aur ulma e karam ney humein mashwara diya kay hum