Forum.Noorclinic.com
Noor Clinic Pakistan Forum

 
a
  Welcome : Guest
Login | Register | Rules
Noor Clinic| Forum | Health| Sex | General |Pakistani Matrimonial| Site Map
Procedure | Recent Post |New Topic | Most Viewed| Paigham e Quran and Hadees
 
Warning: This Website is not for people who are less than 16 years of age. Please exit
 
Medical Forum Categories
Medical Discussion
Unmarried Boys Problems
Unmarried Girls Problem
Married Men Problem
Married Women Problem
Religion and Sex
Religion and Culture
Social Problem
General Health
Non Medical Discussion
Food & Recipes
Sports & Games
Politics
Urdu
Career and Success
Articles
Chatting
Suggestions
Women Health
Men Health
Junk and Spam
NoorClinic
Home(General)
Home(Health and Sex)
Forum Procedure
Noor Clinic Home
Book For All
Book For Women
Book For Men
Baby Care
Daily Questions
    Start New Topic  My Profile
 

Doosri shadi

Social Problem
 
 
RANI111 Group: Members  Joined: 31st Aug, 2010  Topic: 13  Post: 57  Age:  32  
Posted on:4th Nov 2010, 4:24pm
 

Doosri shadi

Mera sawal ye hai ki agar mard bilawajeh doosri shadi karta hai to first wife apne dil ko kaise sumghai.Doosri shadi se related sawaal aap ke forum par bahut ate hai, aur pahli wife ko kiya karna chahie.Wife apni life ko bikharne se kaise bachai.


s4u Group: Members  Joined: 18th Mar, 2011  Topic: 99  Post: 5405  Age:   
Posted on:5th Nov 2010, 12:24am
 

♥·´¯`·Re: dosri shadi aurat kia kare?

ye bhi acha sawal hai.agar koi mard pehli bivi k hote hoe dosri shadi krta hai to pehli bivi ko ye nahi sochna chahiye k shayad mojh me koi kami thi is lie Mian sahib dosri begum le aey.
agar esa ho bhi jata hai to aap ko preshan hone ki zarorat nahi h,na hi roney dhone ki, k haey mera Mian mojhse chhin gya.balke aap ko pehle se ziyada apne husband se pyar krne ki zarorat hoti h.agar wo dosri shadi krta h to aap ose preshan mat karein.aur ho sake to donu mil kr achi dost ban kr rahein.agar kabhi koi esi wesi bat ho jae to suni ansuni kr deni chahiye.is se guzara acha ho ga.
Maryam Group: Members  Joined: 17th May, 2008  Topic: 27  Post: 4679  Age:  30  
Posted on:5th Nov 2010, 12:52am
 

doosri shadi

kisi ko mashwara dena aur khud pe bardasht karnay meiN zameen asmaan ka farq hota hae beharhaal agar mard bila wajah doosri shadi karta hae aur pehli bivi k sath insaf nahi karta to woh Allah ko jawab deh hae.
agar kisi ka hsu doosri shadi karta hae to phir bhi usi hus k sath rehnay ko tarjeeh de. agar bachay haiN to un k sath apnay aap ko masroof karnay ki koshish karaiN . agar well educated haiN to job kar sakti haiN . waqt k sath life routine pe ajayegi inshAllah .
myrizvi Group: Members  Joined: 20th Apr, 2008  Topic: 130  Post: 7744  Age:  55  
Posted on:5th Nov 2010, 3:35am
 

phir wohi sawaal

sawaal ka yeh 'rukh' kuch kuch nayaa hai...magar yeh dekh kar khushi howi k unmarried and mariied both females nay 'musbat' jawaab hi dia hai :)

1.agar pahli biwi 'muslimah' hai, oskaa Allah, rasool k farmoodaat aur aakherat (jannat /dozakh) par imaan hai to woh quran o hadees say apnay iss sawaal ka jawaab talaash karay...insha Allah wahaaN ossay tasalli bhar jawaab milega.

2. pahli biwi ko 'pahla khauf' yeh hota hai k ab oskay husband ki income (jo pahlay oski aur oskay kidz ki thee) ab oss main aik hissah daar aa gayee hai...lehaza oskay RIZQ main kami aajayegi.... yeh TAQDEER par imaan k khilaaf hai. aik hadees ka mafhoom hai k koi fard oss waqt tak nahi mar sakta jab tak woh apna RIZQ mokammal nah karlay...husband jetni marzi shadiyaan karlay...kissi bhi biwi ka RIZQ kam nahi hosakta...har aanay wali apna RIZQ /NASEEB apnay saath laati hai.......jaisay zeyadah bachoun say ghar main "GHURBAT" nahi phailti. har aanay wala bacha apna rizq lay kar aata hai

3. doosra khauf yeh hota hai k ab miyaaN "doosri" k pass bhi jayega... to iss say apki 'sehat' par kia faraq paRta hai, agar woh apkay pass bhi aataa hai to... hsband agar achaa howaa to sab ka care karega agar bora howa to aik biwi ka bhi care nahi karega

4. biwi ki aakherat main kaamyaabi ka bahoot saa daromadaar oska apnay husband say behaviour par munhasir hai... hadeesoun main aataa hai k husband ki razaa (agar husband ki razaa anti islamic nah ho to) maiN hi Allah ki raza hai.... aurat ki jannat husband say related hai........jabkay mard ki jannat bhi aik aurat say directly related hai..but yeh aurat oski biwi nahi balkay oski mother hai....... tahaam sab say acha mard (aik hadees k motaabiq) wohi hai jo apni biwi /biwiyoun say husnay salook karay.

5. agar husband doosri shadi karlay (bila kissi 'wajah' k bhi)... to yeh oska RIGHT hai...... farz kia (islaam ko thoRi dair "bhool" jayaiN) k husband ka aisaa koi right nahi bhi hai k woh aik achi biwi k hotay howay doosri shadi karay...aur woh karlay to ab biwi k pass following options rah jatay hain...jiss par chaahay amal karay.

A.The Best Option: Sabar karay. husband k iss act ko accept karay...apni "deeni bahan" ko accept karay...youN dounouN ko khush karkay apnay ghar ka mahaul acha rakhay.

B. Bad Option: iss shadi par etraaz karay... husband aur saukan say talluqaat bigaaR lay...ghar maiN tension ho aur sab iss tensed mahaul main laRtay jhagaRtya rahaiN

C. Worst option: apnay husband say separate hojaa.ay...kidz k hasool k liyeh adalti chaarah joyee karay...taqat aazmaa.ay aur jisska zor chalay woh kidz lay jaa.ay...phir woh apnay parents k ghar...ya job karkay apna zaati ghar khud chalaa.ay...with kidz 9agar ossay mil gaye haiN to warnah) without kidz zindagi k baqyah din guzaaray... aur next huisband talaash karay aur nah milay to khaa jaanay wali nigaahouN say taknay walay mardouN k jungle main aik kamzore ghazal ki tarah apni izzat o asmat o jaan ki hifazat karti phiray

s4u Group: Members  Joined: 18th Mar, 2011  Topic: 99  Post: 5405  Age:   
Posted on:5th Nov 2010, 11:43pm
 

Maryam sis

kesi ko mashwara tab dena chahiye jab aap ye sochein k agar humare sath esa hoa tab hum kia karein ge.ye soch lene k bad jo aap ko munasib lage wohi mashwara dena chahiye.
os mashwarey ka faida hi kia jis pr aap khod amal na karein aur dosron ko krne ka kahein.

aur jab ese halat aa hi jate hain to Allah tala sabar sab ko hi de deta h.behtar hai k waqt ko acha kr k guzara jae
myrizvi Group: Members  Joined: 20th Apr, 2008  Topic: 130  Post: 7744  Age:  55  
Posted on:6th Nov 2010, 2:43am
 

s4u

Masha Allah :)
RANI111 Group: Members  Joined: 31st Aug, 2010  Topic: 13  Post: 57  Age:  32  
Posted on:6th Nov 2010, 3:04am
 

Aurat kitni majboor

Kaafi acchi baten nikal kar aarahi hai aur is ke siwa kaha bhi kiya ja sakta hai. Magar phir bhi kahi na kahi aurat ko hi pisna parta hai.Aurat sub kutch bardasht kar sakti hai magar apna piyar batnte nahi dekh sakti.Kaash mard aurat ki is baat ko samagh sakte wo to uski zindagi khane aur kapre tak samaghtey hai.
myrizvi Group: Members  Joined: 20th Apr, 2008  Topic: 130  Post: 7744  Age:  55  
Posted on:6th Nov 2010, 3:38am
 

insaan majboor paida kia gaya hai

aur insaan maiN mard aur aurat dounouN aatay haiN... mard aur aurat dounouN kulli taur par nah to baa.ikhteyaar hain nah kulli taur par majboor.....dounouN bahoot say maamlaat main iss dunyaa main majboor haiN.... mard, aurat k aagay bhi majboor hai aur aurat, mard k aagay bhi majboor hai.......lekin alag alag satahoun par...

4 kinds of men: 1. beTa, 2.bhai, 3.husband, 4.baap

4 kinds of women: 1. beTy, 2. bahan, 3. wife, 4. mother

bay charah mard: men as son & brother apni mother and sisters (ki khahishaat o mofaadaat k aagay) majboor hota hai. hatta k oski jannat aik aurat yaani oski mother k qadmoun k neechay rakh dee gayee hai...issi tarah beTi ka baap bhi beTi k maamlaat main bahoot had tak majboor o bay bas hota /hojata hai.... goya aik mard aik mother, aik say zayad bahnouN /beTiyouN (jiski koi limit nahi yeh aik say lay kar darjan bhar tak hosakti hai) ki kifalat, onki izzat aabroo ki hefazat aur onkay mofadaat k liyeh society maiN apna ser neechay karkay zindagi guzaarnay p[ar majboor hai

Allah ta'ala nay etni aurtoun ki zimmah daari...sirf zimmah daari k saath ossay 4th kind of women i.e. wife /wives (jiski maximum limit 4 hai) par thoRi see fauqiyat dee hai, zimmah daari k saath saath...woh inkay naan nufqay aur izzat aabroo ki hefazat ki zimmah daari k baad onsay enjoy bhi kar sakta hai, onpar order bhi chala sakta hai, onki sarzanish bhi karsakta hai aur onhaiN apni marzi k motaabiq bhi rakh sakta hai.

shah.zaadi aurat: paidaa hotay hi baap ki aaghoshay zimmah dari main parwaan chaRhti hai... oska baap kissi silay ki parwaah k beghair oski parwarish karta hai.... laRk pan ki hadood maiN oskay bhai (jo zero say darjan bhar bhi hosaktay hain) oski dekh bhaal kartay hain...bahnaiN apnay bhaiyyouN par naaz karti hain. shadi say pahlay bhi aur baad main bhi...... mother bannay aur son jannay k baad larkpan ki hadood say nikaltay hi oskay betay oskay aagay sar jhokaa kar apni zindagi guzaartay hain. aik mother bahoot say paida kardah sons ki maujoodgi maiN apna +40 yrs ki zindagi shahanah andaaz say guzaarti tab oska (zaalim) husband bhi oska kuch nahi bigaar saktaa.

bus sirf aik husban dk saamnay after marriage 15-20 saal tak sar jhokaa kar rahna paRtaa hai... jawaab amIn ossay husband ki taraf say azdwaji khushiyaaN milti haiN...boRhapay ka sahara aulaad (son) milta hai... husband ki taraf say naan nufqah milta hai...saath saath oski daaNT dapaT aur oski marzi k taabe rahna paRta hai...aur agar woh doosri teesri, chauthi biwi lay aa.ay to ossay dil par pathar rakh kar bardaasht karna parta hai...nah karegi to woh ossay teen lufz kah kar apni zindagi say khaarij karsakta hai.... aur phir woh mutleqah ban kar society main shlterless hojayegi...baqaulay poet...

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ایک شوہر جسے تو گراں سمجھتی ہے

ہزار شوہروں سے دیتا ہے عورت کو نجات

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

 

 

 

 

Maryam Group: Members  Joined: 17th May, 2008  Topic: 27  Post: 4679  Age:  30  
Posted on:6th Nov 2010, 6:54am
 

s4u dear

ji bilkul maine yehi soch kar mashwara diya aur kaha bhi k kisi ko kehna asaan aur khud sabar karna mushkil hota hae . humaray muashray meiN doosri shadi ka rohjaan itna zyada nahi isi liye mard ki doosri shadi zyada takleef deh lagti hae jab k jin muashroN meiN doosri ya teesri shadi ka bhi rohjaan hae wahaN yeh baat normal si hi lagti hae. aur mera zaati khayal hae k mard ka kisi burai ki taraf raghib honay se behtar hae k woh kisi ko ba.izzat tareeqa se ghar le aye.
myrizvi Group: Members  Joined: 20th Apr, 2008  Topic: 130  Post: 7744  Age:  55  
Posted on:6th Nov 2010, 9:16am
 

maqtay maiN aan paRi hai sukhan...

aur mera zaati khayal hae k mard ka kisi burai ki taraf raghib honay se behtar hae k woh kisi ko ba.izzat tareeqa se ghar le aye..

well said...Jazak Allah

mayhooraaj Group: Members  Joined: 06th Jul, 2010  Topic: 15  Post: 162  Age:   
Posted on:6th Nov 2010, 9:41am
 

well maryam aapi...

aapi ap ne bilkul theek kaha ,k aourat ko sabar krna chaye...us k sabar ki jaza Allah zaroor deta ha..aor uska shohr uska bhi khyal rakhta ha...werna jo aouratein shor machati hain,jhagra krti hain..to un k shor ka dil unki taraf se bad,zan ho jata ha.....aor na hote hue bhi aik bahana mil jata ha ,k ye aorat bad,zuban thi ,larti thi ,isl ye may ne doosri shadi ki...
aor ye bat ,k burai se bachne k lye izat se ghar le aye ,,to is naiki ka sawab bhi us aorat ko hi mile ga...

Diplomate Group: Members  Joined: 18th Oct, 2009  Topic: 53  Post: 3436  Age:  37  
Posted on:6th Nov 2010, 12:13pm
 

waddy paraa g

aap ny to achy khasy shair ki tangain hi torr kar rakh di hain ....shair shaid kuch iss trah hey ...
"aik sajda jisy tu graan samjhta hey"
"hazar sajdon sy daita hey admi ko najat"

aur aap ny likh diya..:)))


ایک شوہر جسے تو گراں سمجھتی ہے

ہزار شوہروں سے دیتا ہے عورت کو نجات


myrizvi Group: Members  Joined: 20th Apr, 2008  Topic: 130  Post: 7744  Age:  55  
Posted on:7th Nov 2010, 6:33am
 

nikkay paraa

aik cheez hoti hai, shairouN ki tazmeen:) yaani kissi mash'hoor shair ko edit karkay ossay new meaning pahnanaa...aur yeh kaam waDDay waDDay poets bhi kartay hain like...

shayad mujhay nikaal k kuch khaa rahay houN aap

yeh soch kar teri mahfil maiN phir aa gaya houN maiN :)

asal shair yaad aayaa???????

Diplomate Group: Members  Joined: 18th Oct, 2009  Topic: 53  Post: 3436  Age:  37  
Posted on:7th Nov 2010, 7:15am
 

aho aho

han ji asal shair b yaad ageya hey aur aap ki bat b...:)
wafa1 Group: Members  Joined: 12th Jan, 2011  Topic: 5  Post: 35  Age:  27  
Posted on:26th Jan 2011, 7:06am
 

pehli bivi

Allah tala ne aik se zyada shadion ki to ijazat di hai lekin ...pehli bivi ko yeh jan lewa takleef bardasht karne ka hausla bhi de diya hota.....yeh jiss pe guzarti hai wohi jaan sakta hai ....ghalib ne yeh shair yaqeenan kisi aur kaifiyat k liye kaha ho ga lekin mujhe isi taklef k liye lagta hai ...." mujhe kya bura tha marna..agar aik baar hota........................
Guide Group: Members  Joined: 19th Sep, 2010  Topic: 6  Post: 1083  Age:  51  
Posted on:26th Jan 2011, 7:56am
 

Husband second marriage

Islam mai 4 shaadi ki ijazat hai. lehaza shohar ki doosri shaadi ko bila choon chara tasleem ker lena chahiye. agar aap apne shohar ki doosri shaadi ko aik normal baat samjhe gi tu phir koi problem nahi hoga.

jaha tak problem wali baat hai tu woh aik bivi ke saath bhi hota hai. lehaza two bivi ki mojoodgi mai agar koi problem ho tu os ki zimmadari doosri shaadi per nahi dalni chahiye.
myrizvi Group: Members  Joined: 20th Apr, 2008  Topic: 130  Post: 7744  Age:  55  
Posted on:26th Jan 2011, 11:17pm
 

wafa1 and hauslah

Allah tala ne aik se zyada shadion ki to ijazat di hai lekin ...pehli bivi ko yeh jan lewa takleef bardasht karne ka hausla bhi de diya hota.....

1. Allah ta'ala ka quran maiN farmaan hai k woh apnay kissi banday ko oski istetaa'at /quwwatay bardasht say zeyadah takleef nahi detaa......... Allah aurat ka bhi khaliq hai aur mard ka bhi........ lehaza as a khaliq ossay ham say zeyadah patah hai k kissay kia allow karna hai aur kissay nahi........

2. jab kissi banday (mard /aurat) ko (kissi ki taraf say) zehni /jismani takleef milti hai to Allah iss takleef k badlay oss fard ko ajr ataa karta hai, bashartekay woh bandah iss 'moseebat' par sabar karay.

3. agar koi aurat apni saukan ko min jaanib Allah samjhay, ossay khush dilli say qabool karay...aur saukan ki maujoodgi maiN ossay jo zehni, jismani, maali takleef pahonchay oss par sabar karay to oska husband bhi khush hoga aur oska khaliq Allah bhi............ aik momin aurat ki jannat oskay husband ki razaa maiN rakhi hai, Allah ta'ala nay

hope k in batouN say apko kuch hauslah howa hoga... iss baray maiN quran n hadees maiN jo kuch aayaa hai, woh sab read karaiN, insha Allah apka bhi hauslah baRhega :)

Maryam Group: Members  Joined: 17th May, 2008  Topic: 27  Post: 4679  Age:  30  
Posted on:26th Jan 2011, 1:00pm
 

wafa ji

nice reply by myrizvi bhai :) itni comprehensive tehreer k baad bhi likhnay ki jasarat is liye kar rahi houN k male hazraat ki taraf se likhay gaye ko male ki favour na samjha jaye :)

Allah pak ne mard ko aurat k muqablay meiN taqatwar banaya hae aur us ka zimma.daar muqarar kiya hae . kuch conditions k tehat k mard ko aik se zyada shadiyoN ki ijazat bhi di hae.

1- chuN k mard ba.ikhteyaar hae isliye us k ikhteyaar meiN anay wali har shaii, rishtay ki jawab dahi bhi usay hi karni hae. Allah pak ne aurat ko limited ikhteyaar dekar usay baRay hisaab kitaab se mehfooz kiya hae.

2- aurat ko ghar ki malika ka muqam hasil hae aur bachay atta kar k usay maaN k rutbay pe faa.iz kar k jannat maaN k qadmon talay rakh di gai.

3- agar kisi aurat meiN koi aisi kami hae jis ki wajah se shohar ne doosri shadi ki tou aurat ko chahiye k isay apni ego ka masla na bana le balkay agar woh khami aisi hae jis pe qaboo paya jasakta hae ya azala kiya jasakta hae to woh azalay ki koshish karay takay doosri aurat anay k bawajood is k sath haq talfi na ho.

4- agar shohar ne baghair kisi wajah k doosri shadi ki aur maqsad bivi ko takleef dena tha tou sab se pehlay woh sabar karay Allah pak sabar karnay waloN k sath hae. agar mard pehli bivi ki haq talfi karta hae aur un main masawat nahi rakhta to qyamat k roz woh Allah pak k haaN aisi halat mein paish hoga k us ka adha dhaR gir chuka hoga. apnay bachoN k liye shohar ki haq talfi bhi bardasht kar le takay bachoN ki haq talfi na ho.

5- agar bivi meiN shohar ki be.raghbati ki wajah genuine hae yani Allah pak ki taraf se hi koi aisi kami hae (like bivi banjh hae, zyada umar ki hogai hae ya aur kisi bhi wajah se mard k liye attractive nahi rahi ) tou aurat apna kuch haq choR de. kyuN k shohar k ghar se janay k baad bhi us k koi ghar nahi rehta . dobara shadi karna bhi chahay tab bhi single mard usay nahi mil sakta .sari zindagi akelay rehna bhi possible nahi. isliye kisi pe sokan ban kar janay se acha hae k woh khud pe sokan ko bardasht karay aur usay apni muslim behan samjhay. agar pehli bivi ki haq talfi hoti hae to Allah pak behtar badla denay wala hae.

6- agar koi doosri aurat aap k shohar ki zindagi meiN us ki bivi ki hesiyat se ajaye to usay accept kar laiN us ka ghar toRnay ki koshish na karaiN . may be k woh tou aap k shohar ki zindagi se nikal jaye lekin shohar ki tawaju ka markaz doosri aurataiN hojayeN . is tarah na aurat ki apni zindagi barbad hojati hae balkay shohar ki akhirat bhi barbaad hojati hae.

aurat ko abgeenay se tashbeeh di jati hae kyuN k woh bohat nazuk hoti hae isliye isay bohat sanbhal kar rakhna paRta hae agar abgeena TooT jaye to na sirf apni zaat meiN kisi ehal nahi rehta balkay doosroN ko bhi zakhmi karta hae. lekin agar aurat apnay haq meiN thora sa sacrifice kar le to Allah pak k haaN bhi motabir Thehre gi aur us se related rishtoN, kids etc ki haq talfi nahi hogi.

aap ki id se aik ghazal yaad agai :) wafa k waaday woh saray bhula gaya chup chaap + woh meray dil ki deewarain hila gaya chup chaap
info1234 Group: Members  Joined: 27th Nov, 2009  Topic: 14  Post: 600  Age:  31  
Posted on:26th Jan 2011, 2:02pm
 

aik se ziada shadian......

Maryam sis very nice....

aik kahawat mujhay sahi se yaad nahi lekin kuch istarhan hai....bharay kunwein par harees a jaey tau uska pani khushk ho jata hai, .... khushk kunwein par darvesh a jaey tau uska pani insanon k sath kheetion ko bhi serab karnay lagta hai....

matlab yeh k insan ki niyyat ma Allah nay aesa asar rakha hai keh harees niyat kunwein ko khushk kar deti hai aur woh aik bhi admi ko pani pilanay k qabil nahi rehta....

Allah Talah nay aik hi suraj bnaya hai, lekin ajtak kisi insan ko kam roshini milnay ki shikayat nahi hui....... isliay k "taseer" Allah k ikhtyar main hai....quantity sirf nazar ka dhoka hai....Allah jab chahta hai aik kunwein se poora shehar serab kar sakta hai, jab chahta hai, dariyaon k dariya khushk kar sakta hai.....

ajkal k mard, sara din kama kama kar bhi, apni poori zindgi har tarhan ki mehnat kar k bhi aik biwi ko bhi satisfy nahi kar patay, aik biwi ka kharcha pora nahi hota, aik biwi ki rehnay ki jgah kafi nahi hoti, aik biwi ko husband se time nahi milta......isliay k ajkal ki aurton ki niyyatain nihayat harees ho chuki hain, isliay Allah Talah nay ajkal ki aurton ki saza k tor par mardon ko aesa kar dia hai keh woh aik bhi biwi ko satisfy nahi kar patay.....(jo sazain mardon ko unki kharab niyyaton ki wja se mil rahi hian woh alag topic hai)

Sura e ahzab ma Allah Talah nay musalman aurton ko naseehat ki hai k Nabi e kareem SAW ki azwaj e mutahrat ko apni ideal bana lain........azwaj e mutahrat nay tau aik sath 11 sokanon k sath, aur intehai kam khurak aur kapray k sath Nabi e kareem SAW k sath hansi khushi zindgi guzar kar musalman aurton ko pegham dia hai k 2 ya 3 sokanon se guzara karna koi masla nahi hai...

aurton ki niyyatain darust ho jain, tau Allah Talah k liay aik mard se 4 biwion aur bachon ko satisfy karna koi mushkil nahi hai.

myrizvi Group: Members  Joined: 20th Apr, 2008  Topic: 130  Post: 7744  Age:  55  
Posted on:27th Jan 2011, 5:17am
 

Masha Allah

Maryam Sis & Info bro.......ap dounouN nay bahoot hi omdagi say topic issue ko conclude kia hai...jazak Allah khairah....Allah ham sab ko amal ki taufeeqday aameen
For More Detail Click On Page No: 1 2  >>
 
 
 
Pakistani in Italy  How To Get Visa For Japan  Bangladeshi Community Celebrating Canada Day In Toronto

Warning :The information presented in this web site is not intended as a substitute for medical care. Please talk with your healthcare provider about any information you get from this web site.
© Copyright 2003-2017 www.noorclinic.com, All Rights Reserved Contact Us